Sənaye layihələrinin icrasında şəffaf planlaşdırma mühüm əhəmiyyət daşıyır
İri sənaye layihələri uzunmüddətli və böyük maliyyə resursları tələb etdiyindən onların əvvəlcədən düzgün planlaşdırılması vacibdir. Dağ-mədən və metallurgiya sahəsində yatağın öyrənilməsindən istehsalın başlanmasına qədər bir neçə mərhələ mövcuddur və hər mərhələnin konkret məqsədləri müəyyənləşdirilməlidir.
Dövlət Proqramında maliyyə təminatının, icra mexanizmlərinin və fəaliyyət istiqamətlərinin müəyyənləşdirilməsi bu baxımdan mühüm əhəmiyyət daşıyır. Konkret tədbirlərin müəyyən müddətlər üzrə planlaşdırılması layihələrin icrasına nəzarəti və nəticələrin qiymətləndirilməsini asanlaşdıra bilər.
Böyük sənaye layihələrində müxtəlif dövlət qurumlarının, şirkətlərin və investorların fəaliyyəti bir-biri ilə əlaqələndirilməlidir. Geoloji kəşfiyyat, ekoloji ekspertiza, infrastruktur, maliyyələşdirmə və istehsal məsələlərinin ayrı-ayrılıqda deyil, vahid layihə çərçivəsində nəzərdən keçirilməsi daha sistemli nəticə verə bilər.
Planlaşdırma mərhələsində risklərin əvvəlcədən müəyyənləşdirilməsi də vacibdir. Dünya bazarlarında qiymət dəyişiklikləri, tikinti xərcləri, logistika və texnoloji məsələlər layihələrin iqtisadi nəticələrinə təsir göstərə bilər. Bu amillərin nəzərə alınması Dövlət Proqramı çərçivəsində layihələrin daha əsaslandırılmış şəkildə həyata keçirilməsinə imkan yarada bilər.
Zərifə Məmmədova,
YAP Nizami rayon təşkilatının fəalı
