Azərbaycan Ədəbiyyatında və İncəsənətində Zəfər Mövzusu
Tarixi Zəfərimiz Azərbaycan mədəniyyətində, ədəbiyyatında və incəsənətində yeni bir yaradıcılıq dalğasının yaranmasına səbəb oldu. Şairlər, yazıçılar, bəstəkarlar, rəssamlar və kinorejissorlar 44 günlük Vətən müharibəsinin qəhrəmanlıq dastanını sənət əsərlərinə çevirərək əbədiləşdirirlər. Bu əsərlər xalqımızın yaşadığı qürur və sevinc hisslərinin bədii ifadəsidir.
Müharibə günlərində yazılan şeirlər, bəstələnən vətənpərvərlik mahnıları əsgərlərimizə ruh yüksəkliyi verir, arxa cəbhədəki birliyi daha da gücləndirirdi. Zəfərdən sonra isə qəhrəmanlarımızın həyat yolunu, Şuşa əməliyyatını və şəhidlərimizin fədakarlığını əks etdirən romanlar, sənədli filmlər və rəsm əsərləri yaradılmağa başlandı. Bu sənət nümunələri milli ruhun daşıyıcısına çevrilir.
Teatr səhnələrində və konsert salonlarında Zəfər mövzusuna həsr olunmuş tamaşalar və musiqili proqramlar tamaşaçılar tərəfindən böyük rəğbətlə qarşılanır. İncəsənət xadimləri öz yaradıcılıqları ilə gənc nəslə vətənpərvərlik hisslərini aşılayır, tarixi hadisələri emosional yaddaşda saxlayırlar.
Zəfər Günü mədəniyyətimiz üçün tükənməz ilham mənbəyidir. Ədəbiyyat və incəsənət vasitəsilə bu şanlı qələbə əsrlər boyu yaşayacaq və gələcək nəsillərə ötürüləcəkdir. Qalib xalqın mədəniyyəti də hər zaman zəfər ruhu ilə zəngin olur.
Əminə Kərimova,
YAP Nizami rayon təşkilatının “Nəsimi küçəsi, 34” ərazi partiya təşkilatının sədri
