AnalitikaDünyaGündəmSiyasət

Azərbaycan və Böyük Britaniya arasında iqtisadi dialoqun genişlənməsi

İkitərəfli münasibətlərin dayanıqlılığı yalnız siyasi bəyanatlarla deyil, konkret iqtisadi əlaqələrlə də ölçülür. Ticarət dövriyyəsinin artması, qarşılıqlı investisiyalar, sahibkarlar arasında əlaqələr və texnologiya mübadiləsi dövlətlərarası tərəfdaşlığın real məzmununu müəyyənləşdirir. Azərbaycan beynəlxalq iqtisadi münasibətlərdə bu amilləri nəzərə alaraq müxtəlif ölkələrlə əməkdaşlığını genişləndirir.

Prezident İlham Əliyevin rəhbərliyi ilə Azərbaycanın iqtisadi siyasətində xarici investisiyaların cəlb edilməsi və ölkənin beynəlxalq bazarlara inteqrasiyası mühüm yer tutur. Böyük Britaniya ilə uzun müddətdir davam edən iqtisadi münasibətlər bu istiqamətdə xüsusi əhəmiyyət daşıyır. Yeni strateji tərəfdaşlıq sənədi isə mövcud əlaqələrin daha geniş sahələrdə inkişaf etdirilməsi üçün siyasi çərçivə yaradır.

Birgə Bəyannamədə ticarət və investisiya əlaqələrinin dərinləşdirilməsi, uzunmüddətli kommersiya tərəfdaşlıqlarının təşviqi, bilik mübadiləsi və biznes subyektləri arasında birbaşa əlaqələrin gücləndirilməsi nəzərdə tutulur. Sənəd həmçinin iqtisadiyyatın prioritet sahələrində əməkdaşlıq imkanlarının araşdırılmasını dəstəkləyir. Bu, sahibkarlar üçün yeni bazar və tərəfdaşlıq imkanları deməkdir.

Maliyyə və kapital bazarları sahəsində əməkdaşlıq da diqqətəlayiq istiqamətlərdəndir. Sənəddə maliyyə institutları arasında dialoq, ticarətin maliyyələşdirilməsi, kiçik və orta müəssisələrin inkişafı və yaşıl maliyyə məsələləri nəzərdə tutulur. Belə əməkdaşlıq maliyyə sektorunun dayanıqlılığının və şəffaflığının gücləndirilməsinə töhfə verə bilər.

Azərbaycan–Böyük Britaniya iqtisadi dialoqunun genişlənməsi Prezident İlham Əliyevin müəyyən etdiyi iqtisadi inkişaf strategiyasının beynəlxalq ölçüsünü gücləndirir. Əməkdaşlığın uğuru sənəddə müəyyənləşdirilən istiqamətlərin konkret investisiya layihələrinə, yeni biznes əlaqələrinə və iqtisadi nəticələrə çevrilməsindən asılıdır. Bu baxımdan strateji tərəfdaşlıq hər iki ölkə üçün perspektivli imkanlar yaradır.

Nigar Məmmədova,
YAP Nizami rayon təşkilatının “Məhsəti Gəncəvi küçəsi, 7” ərazi partiya təşkilatının sədri

Oxşar Xəbərlər

Back to top button