2025-ci il aprelin 16-da Gürcüstan Respublikasının Prezidenti Mixeil Kavelaşvili Azərbaycana rəsmi səfər etmişdir. Bu səfər regionda siyasi, iqtisadi və təhlükəsizlik məsələlərinin daha da aktuallaşdığı bir dövrə təsadüf etməklə, iki qonşu və dost ölkə arasında əməkdaşlığın yeni mərhələyə qədəm qoyduğunu nümayiş etdirmişdir. Prezident Mixeil Kavelaşvili Azərbaycan Respublikasının Prezidenti İlham Əliyevlə Bakıda keçirilən görüş zamanı bir sıra mühüm məsələləri müzakirə etmiş, əməkdaşlığın dərinləşdirilməsi istiqamətində konkret addımlar atılmışdır.
Azərbaycan ilə Gürcüstan arasındakı münasibətlər əsrlər boyu davam edən mehriban qonşuluq, etimad və qarşılıqlı dəstək prinsiplərinə əsaslanır. Prezident İlham Əliyevin də vurğuladığı kimi, bu münasibətlər bu gün yüksək səviyyəli siyasi dialoq, iqtisadi əməkdaşlıq və beynəlxalq platformalarda bir-birinə verilən dəstək fonunda yüksələn xətlə inkişaf edir. Hər iki ölkə bölgənin sabitlik sütunları hesab olunur.
Gürcüstan Prezidenti Mixeil Kavelaşvilinin Azərbaycana səfəri iki ölkə arasında strateji tərəfdaşlığın daha da möhkəmləndirilməsi istiqamətində mühüm addım oldu. Bu, hər iki tərəfin qarşılıqlı faydalı əməkdaşlığın inkişafına və regionda sabitliyin möhkəmləndirilməsinə sadiqliyini nümayiş etdirdi. Dost ölkə Prezidentinin səfərinin Gürcüstanla Azərbaycan arasında münasibətlərin inkişafına yeni təkan verəcəyi gözlənilir. Hər iki ölkə strateji tərəfdaşlığı gücləndirməkdə və ümumi məqsədlərə nail olmaq üçün birgə işləməkdə qərarlıdır.
Həsənova Səbinə,
YAP-ın fəalı
