Azərbaycan-Gürcüstan münasibətləri həm tarixi, həm də müasir dövrdə strateji əhəmiyyətə malikdir. Bu münasibətlər siyasi, iqtisadi, enerji, nəqliyyat və mədəni sahələrdə qarşılıqlı əməkdaşlıq əsasında inkişaf edir.
Azərbaycan və Gürcüstan arasında münasibətlərin kökləri qədim dövrlərə gedib çıxır. Tarixən bu iki xalq arasında mədəni, ticarət və dini əlaqələr olub. SSRİ dövründə hər iki ölkə ittifaq respublikası kimi bir-biri ilə sıx əməkdaşlıqda olub. 1991-ci ildə müstəqillik əldə etdikdən sonra Azərbaycan və Gürcüstan arasında rəsmi diplomatik münasibətlər qurulub.
Hər iki ölkə bir-birinin ərazi bütövlüyünü tanıyır və dəstəkləyir.Regional təhlükəsizlik və sabitliyin qorunması üçün birgə əməkdaşlıq edirlər.Azərbaycan və Gürcüstan beynəlxalq təşkilatlarda, o cümlədən BMT, GUAM, Avropa Şurası kimi qurumlarda bir-birini dəstəkləyirlər.
Bakı–Tbilisi–Ceyhan neft kəməri və Bakı–Tbilisi–Ərzurum qaz kəməri iki ölkənin enerji əməkdaşlığının əsas sütunlarındandır. Bakı–Tbilisi–Qars dəmir yolu layihəsi regionda logistikanın inkişafında mühüm rol oynayır və Avropa ilə Asiya arasında körpü rolunu oynayır.
Hər iki ölkədə yaşayan azsaylı etnik azərbaycanlı və gürcü icmaları mədəni əlaqələrin inkişafında mühüm rol oynayır.Universitetlər arasında əməkdaşlıq, tələbə mübadilələri və mədəni tədbirlər bu sahədə əlaqələri daha da möhkəmləndirir.Regionda geosiyasi dəyişikliklər fonunda Azərbaycan-Gürcüstan əməkdaşlığı daha da əhəmiyyət qazanır.Hər iki ölkə Qafqaz regionunda sabitliyin və inkişafın təmin olunmasında mühüm tərəfdaşlardır.
Azərbaycan və Gürcüstan Cənubi Qafqazda sülhün və təhlükəsizliyin təmin olunmasında mühüm rol oynayır. Hər iki ölkə öz ərazi bütövlüyünü və suverenliyini əsas prinsip kimi qəbul edir və eyni yanaşmanı bir-birinə qarşı da sərgiləyir.Azərbaycan və Gürcüstan separatizmə qarşı sərt mövqe tutaraq, regionda sülh və sabitliyin pozulmasına qarşı çıxırlar.
Azərbaycan və Gürcüstan beynəlxalq və regional təşkilatlarda birgə əməkdaşlıq edirlər.Bu əməkdaşlıq sülh, demokratiya və təhlükəsizlik prinsiplərinə əsaslanır.
Bakı-Tbilisi-Ceyhan , Bakı-Tbilisi-Ərzurum və Bakı-Tbilisi-Qars layihələri regionun iqtisadi inteqrasiyasına, eləcə də enerji təhlükəsizliyinə mühüm töhfə verir.Bu layihələr təkcə iqtisadi yox, həm də siyasi sabitliyə xidmət edir.
Azərbaycan və Gürcüstan Cənubi Qafqazda əməkdaşlıq mühitinin yaradılmasına çalışırlar.Hər iki ölkə regionda üçüncü tərəflərin dağıdıcı təsirinə qarşı birgə strategiyalar formalaşdırır.Həm Azərbaycan, həm də Gürcüstan çoxmillətli cəmiyyətə malikdir və burada yaşayan azsaylı xalqlarla tolerantlıq mühiti mövcuddur.Bu amil daxili sabitliyin və sülhün əsas elementlərindən biridir.
Azərbaycan Respublikasının Prezidenti cənab İlham Əliyev 2024-cü ilin 11 noyabr tarixində Gürcüstana rəsmi səfər etmişdir. Tbilisidə keçirilən bu səfər çərçivəsində Prezident İlham Əliyev Gürcüstanın Baş naziri İrakli Kobaxidze ilə görüşmüşdür.
Görüş zamanı Prezident İlham Əliyev Gürcüstanda keçirilmiş parlament seçkilərində “Gürcü Arzusu – Demokratik Gürcüstan” Partiyasının qələbəsi münasibətilə Baş nazir Kobaxidzeni təbrik etmiş və ona gələcək fəaliyyətində uğurlar arzulamışdır. Tərəflər Azərbaycan və Gürcüstan arasında siyasi, iqtisadi və nəqliyyat sahələrində mövcud olan güclü dostluq və qardaşlıq münasibətlərini vurğulamışlar. Həmçinin, Prezident İlham Əliyev Baş nazir İrakli Kobaxidzeni Azərbaycana rəsmi səfərə dəvət etmiş, o da öz növbəsində Azərbaycan Prezidentini Gürcüstana səfərə dəvət etmişdir .Bu səfər, iki ölkə arasında strateji tərəfdaşlığın və regional əməkdaşlığın daha da möhkəmləndirilməsi baxımından mühüm əhəmiyyət kəsb edir.
Günel Əlizadə,
Yeni Azərbaycan Partiyası, məsləhətçi
