Azərbaycan Respublikasının Prezidenti İlham Əliyev və Pakistan İslam Respublikasının Baş naziri Məhəmməd Şahbaz Şərif arasında keçirilən görüş iki ölkə arasındakı strateji tərəfdaşlıq münasibətlərinin dərinləşdirilməsi baxımından mühüm əhəmiyyət kəsb edir. Görüşdə Azərbaycan və Pakistan arasında siyasi, iqtisadi, hərbi və humanitar sahələrdə əməkdaşlığın genişləndirilməsi məsələləri müzakirə olunub.
Prezident İlham Əliyev çıxışında Azərbaycan ilə Pakistan arasında mövcud olan qardaşlıq və dostluq münasibətlərinin yüksək səviyyədə olduğunu vurğulayıb. O, Pakistanın Ermənistanın işğalçılıq siyasətinə qarşı daim Azərbaycanın yanında olduğunu və 44 günlük Vətən müharibəsi zamanı verdiyi siyasi və mənəvi dəstəyi xüsusi qeyd edib. Bundan əlavə, İlham Əliyev Kəşmir məsələsində Azərbaycanın Pakistanın haqlı mövqeyini dəstəklədiyini bildirib.
Baş nazir Məhəmməd Şahbaz Şərif isə Azərbaycanın müstəqilliyi, suverenliyi və ərazi bütövlüyünə Pakistanın dəyişməz dəstəyini ifadə edərək, Qarabağın bərpası prosesində Pakistan şirkətlərinin iştirak etməyə hazır olduğunu bəyan edib. O, Azərbaycan-Pakistan əməkdaşlığının regional və beynəlxalq müstəvidə daha da inkişaf etdirilməsinin vacibliyini vurğulayıb.
Görüş zamanı hər iki lider iqtisadi əlaqələrin genişləndirilməsi, ticarət dövriyyəsinin artırılması və müdafiə sahəsində əməkdaşlığın gücləndirilməsi məsələləri barədə fikir mübadiləsi aparıblar. Eyni zamanda, təhsil, mədəniyyət və enerji sahələrində əməkdaşlıq perspektivləri də müzakirə olunub.
Görüşün yekununda iki ölkə arasında mövcud olan strateji tərəfdaşlıq münasibətlərinin daha da dərinləşdirilməsi və gələcək əməkdaşlıq istiqamətlərinin müəyyən edilməsi məqsədilə yüksək səviyyəli təmasların davam etdirilməsi barədə razılıq əldə olunub.
Ramil Mehdiyev,
Nizami Rayon Sosial-İctimai Maarifləndirmə İctimai Birliyinin İnnovativ ideyaların reallaşdırılması və kommunikasiya şöbəsinin müdiri
