8 yanvar 2026-cı ildə Azərbaycanın enerji sektorunda mühüm hadisə baş vermişdir. Həmin gün Prezident İlham Əliyevin iştirakı ilə “Xızı-Abşeron” Külək Elektrik Stansiyasının rəsmi açılış mərasimi keçirilmişdir. Bu layihə ölkədə bərpa olunan enerji sahəsində həyata keçirilən ən iri təşəbbüslərdən biri kimi qiymətləndirilir. Açılış mərasimində çıxış edən dövlət başçısı bu layihənin Azərbaycanın enerji sektorunda və xüsusilə bərpa olunan enerji sahəsində mühüm mərhələ olduğunu bildirib. O , çıxışında bu stansiyanın istismara verilməsini Azərbaycanın uzunmüddətli enerji strategiyasının mühüm tərkib hissəsi kimi dəyərləndirmişdir. Dövlət başçısı qeyd etmişdir ki, enerji təhlükəsizliyi ölkənin milli təhlükəsizliyinin əsas istiqamətlərindən biridir və bu sahədə görülən işlər sistemli şəkildə davam etdirilir. “Xızı-Abşeron” Külək Elektrik Stansiyası isə enerji istehsalında alternativ mənbələrin payını artırmaq baxımından xüsusi əhəmiyyət daşıyır.
Dövlət başçısı qeyd edib ki, külək enerjisi layihələrinin həyata keçirilməsi təkcə əlavə elektrik enerjisi istehsalı demək deyil. Bu cür layihələr eyni zamanda ətraf mühitin qorunmasına, karbon emissiyalarının azaldılmasına və təbii ehtiyatlardan daha səmərəli istifadəyə xidmət edir. Prezident İlham Əliyev bildirib ki, Azərbaycan “yaşıl enerji” kursunu şüurlu şəkildə seçib və bu istiqamətdə atılan addımlar ardıcıl xarakter daşıyır.
Çıxış zamanı Prezident layihənin hazırlanması və icrası prosesinə toxunaraq, bir neçə il ərzində aparılan planlı və ardıcıl işlərin uğurla nəticələndiyini vurğulamışdır. O, bu stansiyanın müasir texnologiyalar əsasında qurulduğunu və ətraf mühitə minimum təsir göstərməklə enerji istehsal etdiyini qeyd etmişdir. Bu amil Azərbaycanın ekoloji məsuliyyətli dövlət kimi mövqeyini daha da gücləndirir. Çıxış zamanı layihənin beynəlxalq əməkdaşlıq çərçivəsində həyata keçirilməsi də diqqətə çatdırılıb. Prezident İlham Əliyev vurğulayıb ki, xarici investorların Azərbaycanın enerji sektoruna marağı ölkədə yaradılmış əlverişli investisiya mühitinin göstəricisidir. Xarici investorlarla tərəfdaşlıq çərçivəsində həyata keçirilən bu cür layihələrin ölkə iqtisadiyyatına müsbət təsir göstərdiyini vurğulayan dövlət başçısı, gələcəkdə də bərpa olunan enerji sahəsində yeni layihələrin reallaşdırılacağını bildirmişdir.
Dövlət başçısı, həmçinin Azərbaycanın enerji sisteminin son illərdə əhəmiyyətli dərəcədə yeniləndiyini və istehsal gücünün xeyli artdığını bildirmişdir. Onun sözlərinə görə, bərpa olunan enerji mənbələrinin inkişafı ölkəyə yalnız daxili tələbatın ödənilməsində deyil, eyni zamanda regional enerji təhlükəsizliyinin təminində də mühüm üstünlüklər yaradır.
Prezident, həmçinin Azərbaycanın enerji strategiyasının gələcək mərhələlərinə toxunaraq bildirib ki, yaxın illərdə bərpa olunan enerji istehsalının həcmi mərhələli şəkildə artırılacaq. Bu yanaşma ölkənin daxili elektrik enerjisinə olan tələbatının etibarlı şəkildə ödənilməsinə, eyni zamanda regional enerji bazarlarında mövqeyinin möhkəmlənməsinə imkan verəcək.
Onun sözlərinə görə, bərpa olunan enerji sahəsində həyata keçirilən birgə layihələr qarşılıqlı etimada əsaslanan uzunmüddətli tərəfdaşlığın formalaşmasına şərait yaradır.
Dövlət başçısı çıxışında qeyd edib ki, müasir enerji infrastrukturu iqtisadi inkişafın əsas dayaqlarından biridir. Bu baxımdan “Xızı-Abşeron” Külək Elektrik Stansiyası təkcə enerji layihəsi deyil, həm də ölkənin davamlı iqtisadi və texnoloji inkişafına xidmət edən mühüm təşəbbüsdür.
Sonda Prezident İlham Əliyev “Xızı-Abşeron” Külək Elektrik Stansiyasının fəaliyyətinin Azərbaycanın “yaşıl enerji” hədəflərinə xidmət edəcəyini və enerji sektorunun davamlı inkişafına mühüm töhfə verəcəyini qeyd etmişdir. Bu layihə Azərbaycanın innovativ, ekoloji və iqtisadi baxımdan dayanıqlı inkişaf yolunu seçdiyini bir daha nümayiş etdirir.
Cənab Prezident İlham Əliyev stansiyanın inşasında və istifadəyə verilməsində iştirak edən bütün mütəxəssislərə və tərəfdaşlara təşəkkürünü bildirib. O vurğulayıb ki, bu cür layihələr Azərbaycanın gələcək inkişaf strategiyasının əsas elementlərindən biridir və ölkənin “yaşıl enerji” hədəflərinin reallaşmasına mühüm töhfə verəcək.
Qeyd edək ki, “Xızı-Abşeron” Külək Elektrik Stansiyası Azərbaycanın bərpa olunan enerji potensialının reallaşdırılması istiqamətində atılan mühüm addımlardan biri kimi qiymətləndirilir və ölkənin enerji balansında alternativ mənbələrin payının artmasına xidmət edəcək.
Əhmədova Aytac,
Xəzər rayonu, 322 nömrəli tam orta məktəbin müəllimi
