XX əsr Azərbaycan tibb elmi yalnız yerli çərçivədə deyil, həm də beynəlxalq səviyyədə özünəməxsus inkişaf yolu keçmişdir. Bu inkişafın əsas simalarından biri olan Zərifə Əliyeva oftalmologiya sahəsində fundamental və tətbiqi tədqiqatları ilə seçilmiş, elmi yanaşmaya humanist məzmun qazandırmışdır. Onun fəaliyyəti tibbi biliklərlə sosial məsuliyyətin vəhdətini təcəssüm etdirir.
Zərifə Əliyevanın tədqiqatlarının əsas istiqaməti peşə ilə əlaqədar yaranan göz xəstəliklərinin öyrənilməsi olmuşdur. Xüsusilə kimya və sənaye müəssisələrində çalışan işçilərdə müşahidə olunan görmə patologiyalarının sistemli analizi onun elmi fəaliyyətinin əsasını təşkil edirdi.
Alimin əldə etdiyi nəticələr nəzəri səviyyədə qalmamış, geniş klinik praktikaya inteqrasiya olunmuşdur. Onun hazırladığı tövsiyələr sənaye müəssisələrində əmək şəraitinin yaxşılaşdırılmasına, işçilərin görmə qabiliyyətinin qorunmasına xidmət etmişdir.Zərifə Əliyevanın fəaliyyəti tibbi profilaktika sisteminin təkmilləşdirilməsinə,peşə xəstəliklərinin erkən diaqnostikasına və səhiyyə və istehsalat arasında elmi əməkdaşlığın gücləndirilməsinə təsir göstərmişdir.
Zərifə Əliyeva yalnız tədqiqatçı deyil, həm də güclü elmi məktəb formalaşdıran alim idi. Onun rəhbərliyi ilə yetişən gənc mütəxəssislər sonradan oftalmologiyanın müxtəlif sahələrində uğurla fəaliyyət göstərmişdir.Bədii yanaşmada onun obrazı “işıq memarı” kimi xarakterizə oluna bilər-o,yalnız görməni bərpa etmir, eyni zamanda insanın həyat keyfiyyətini yüksəldirdi. Bu baxımdan onun fəaliyyəti elm və estetikanın, rasional düşüncə ilə mənəvi dəyərlərin sintezini ifadə edir.
Zərifə Əliyeva Azərbaycan tibb elminin inkişafında mühüm mərhələ təşkil edən şəxsiyyətlərdəndir. Onun elmi irsi müasir oftalmologiyanın aktual problemlərinin həllində bu gün də öz əhəmiyyətini qoruyur.
Alimin fəaliyyəti göstərir ki, həqiqi elm yalnız bilik istehsal etmir, eyni zamanda cəmiyyətə xidmət edir. Bu səbəbdən Zərifə Əliyevanın irsi həm elmi, həm də mənəvi baxımdan gələcək nəsillər üçün dəyərli örnək olaraq qalır.
Onun elmi nailiyyətləri, insanlara olan sevgisi və peşəsinə sadiqliyi gələcək nəsillər üçün örnək olaraq qalalacaqdır.
Səltənət Möhsünlü- YAP Tərtər rayon təşkilatının məsləhətçisi
