Prezident İlham Əliyevin rəhbərliyi ilə Azərbaycan–Böyük Britaniya münasibətlərində yeni strateji mərhələ
Azərbaycanın beynəlxalq münasibətlər sistemində qazandığı mövqe, həyata keçirdiyi çoxşaxəli diplomatik siyasət və müxtəlif dövlətlərlə qurduğu qarşılıqlı faydalı əməkdaşlıq əlaqələri Prezident İlham Əliyevin rəhbərliyi ilə müəyyənləşdirilən xarici siyasət strategiyasının mühüm nəticələrindəndir. Bu strategiyanın əsas məqsədi Azərbaycanın milli maraqlarını qorumaq, müstəqil dövlət siyasətini gücləndirmək və ölkəmizin beynəlxalq nüfuzunu daha da yüksəltməkdir. Böyük Britaniya ilə münasibətlərin inkişafı da bu siyasətin əhəmiyyətli istiqamətlərindən birini təşkil edir.
2026-cı il noyabrın 12-də Dublində Azərbaycan Respublikasının Prezidenti İlham Əliyev və Böyük Britaniyanın Baş naziri Endi Börnhem tərəfindən Strateji Tərəfdaşlıq haqqında Birgə Bəyannamənin imzalanması iki ölkə arasındakı münasibətlərdə yeni mərhələnin başlanğıcı kimi qiymətləndirilə bilər. Bu sənəd uzun illər ərzində formalaşmış dostluq və əməkdaşlıq əlaqələrinin daha geniş siyasi, iqtisadi və institusional çərçivədə inkişaf etdirilməsinə xidmət edir.
Bəyannamədə siyasi dialoqun dərinləşdirilməsi, müdafiə və təhlükəsizlik, ticarət, investisiya, enerji, nəqliyyat, təhsil, elm və innovasiya sahələrində əməkdaşlığın genişləndirilməsi nəzərdə tutulur. Bu istiqamətlərin vahid sənəddə əks olunması tərəfdaşlığın yalnız bir sahə ilə məhdudlaşmadığını, hər iki ölkənin uzunmüddətli maraqlarına xidmət edən geniş əməkdaşlıq modelinin formalaşdırıldığını göstərir.
Prezident İlham Əliyevin həyata keçirdiyi xarici siyasətin əsas xüsusiyyətlərindən biri Azərbaycanın beynəlxalq tərəfdaşlarla münasibətlərini bərabərhüquqlu dialoq və qarşılıqlı etimad əsasında qurmasıdır. Böyük Britaniya ilə imzalanan Bəyannamə də bu yanaşmanın mühüm təzahürüdür. Sənəddə dövlətlərin suverenliyinə, müstəqilliyinə və ərazi bütövlüyünə hörmət prinsiplərinin təsdiqlənməsi Azərbaycanın fundamental milli maraqları baxımından xüsusi əhəmiyyət daşıyır.
Beləliklə, yeni Strateji Tərəfdaşlıq Bəyannaməsi Azərbaycan–Böyük Britaniya münasibətlərinin gələcək inkişafı üçün mühüm siyasi və hüquqi istiqamətlər müəyyənləşdirir. Prezident İlham Əliyevin rəhbərliyi ilə həyata keçirilən məqsədyönlü diplomatik siyasət ölkəmizin beynəlxalq əməkdaşlıq imkanlarını genişləndirir, Azərbaycanın etibarlı tərəfdaş kimi mövqeyini möhkəmləndirir və yeni inkişaf perspektivləri yaradır.
Narınc Aslanova,
YAP Nizami rayon təşkilatının “Babək prospekti, 101a” ərazi partiya təşkilatının sədr müavini

