Gündəm

Kiçik və orta biznesin inkişafında beynəlxalq əməkdaşlığın rolu

Kiçik və orta biznes iqtisadiyyatın şaxələndirilməsi, məşğulluğun artırılması və sahibkarlıq mühitinin inkişafı baxımından mühüm əhəmiyyətə malikdir. Bu sektorun güclənməsi ölkədə rəqabət qabiliyyətinin yüksəlməsinə və iqtisadi fəaliyyətin müxtəlif sahələr üzrə genişlənməsinə şərait yaradır. Azərbaycan Prezident İlham Əliyevin rəhbərliyi ilə sahibkarlığın inkişafını və biznes mühitinin təkmilləşdirilməsini iqtisadi siyasətin əsas istiqamətlərindən biri kimi müəyyənləşdirib.

Böyük Britaniya ilə imzalanmış Strateji Tərəfdaşlıq Bəyannaməsində kiçik və orta biznesin inkişafına dəstək verilməsi iqtisadi əməkdaşlığın mühüm elementlərindən biri kimi nəzərdə tutulur. Sənəddə maliyyə və kapital bazarlarında əməkdaşlıq imkanlarının araşdırılması, ticarət maliyyəsinin və KOB-ların artımının dəstəklənməsi xüsusi qeyd olunur.

Kiçik və orta biznesin beynəlxalq tərəfdaşlarla əlaqələrinin genişlənməsi yeni bazarlara çıxış, texnologiyaların tətbiqi və idarəetmə təcrübəsinin öyrənilməsi baxımından əhəmiyyətlidir. Böyük Britaniya ilə bizneslərarası əlaqələrin təşviqi bu sahədə qarşılıqlı imkanların müəyyənləşdirilməsinə kömək edə bilər.

Prezident İlham Əliyevin rəhbərliyi ilə Azərbaycanda iqtisadiyyatın şaxələndirilməsi və sahibkarlığın dəstəklənməsi istiqamətində həyata keçirilən siyasət yerli biznesin inkişafına yönəlib. Beynəlxalq əməkdaşlıq bu siyasətin daha geniş iqtisadi müstəvidə davam etdirilməsi üçün əlavə perspektivlər yaradır.

Beləliklə, Azərbaycan–Böyük Britaniya tərəfdaşlığı çərçivəsində KOB sektorunun inkişafına yönəlmiş təşəbbüslər iqtisadiyyatın dayanıqlılığını gücləndirə bilər. Bu istiqamətdə əməkdaşlığın genişlənməsi yeni biznes əlaqələrinin və qarşılıqlı faydalı layihələrin formalaşmasına şərait yaradacaq.

Gülsüm Hacıyeva,
YAP Nizami rayon təşkilatının “Məmmədəli Şərifli küçəsi, 159” ərazi partiya təşkilatının sədri

Oxşar Xəbərlər

Back to top button