
Azərbaycanın müstəqil dövlət kimi beynəlxalq münasibətlər sistemində mövqeyinin güclənməsi Prezident İlham Əliyevin rəhbərliyi ilə həyata keçirilən ardıcıl və məqsədyönlü siyasətin mühüm nəticəsidir. Ölkəmiz müxtəlif dövlətlərlə siyasi, iqtisadi, təhlükəsizlik və humanitar sahələrdə əməkdaşlığı inkişaf etdirərək milli maraqlarına uyğun tərəfdaşlıq əlaqələri qurur. Böyük Britaniya ilə münasibətlərin strateji səviyyəyə yüksəlməsi bu siyasətin əhəmiyyətli istiqamətlərindən biridir.
2026-cı il noyabrın 12-də Dublində Prezident İlham Əliyev və Böyük Britaniyanın Baş naziri Endi Börnhem tərəfindən imzalanmış Strateji Tərəfdaşlıq haqqında Birgə Bəyannamə iki ölkənin münasibətlərində yeni mərhələnin əsasını qoyur. Sənəd əvvəlki dostluq və əməkdaşlıq münasibətlərinə əsaslanaraq siyasi dialoqdan təhlükəsizliyə, iqtisadiyyatdan təhsilə qədər geniş sahələri əhatə edir.
Bəyannamənin mühüm istiqamətləri sırasında regional sülh və təhlükəsizlik, ticarət və investisiya əlaqələrinin genişləndirilməsi, Orta Dəhlizin inkişafı, enerji təhlükəsizliyi, bərpaolunan enerji, rəqəmsal transformasiya və elmi əməkdaşlıq xüsusi yer tutur. Bu istiqamətlərin hər biri Azərbaycan üçün yeni imkanların araşdırılması və beynəlxalq tərəfdaşlıq əlaqələrinin dərinləşdirilməsi baxımından əhəmiyyətlidir.
Prezident İlham Əliyevin rəhbərliyi ilə Azərbaycan öz xarici siyasətini suverenlik, müstəqillik, ərazi bütövlüyü, beynəlxalq hüquqa hörmət və qarşılıqlı fayda prinsipləri əsasında davam etdirir. Böyük Britaniya ilə strateji tərəfdaşlığın inkişafı ölkəmizin beynəlxalq mövqeyinin möhkəmlənməsinə, iqtisadi potensialının genişlənməsinə və regional əməkdaşlıq imkanlarının artmasına xidmət edir.
Əminliklə demək olar ki, Azərbaycan–Böyük Britaniya Strateji Tərəfdaşlıq Bəyannaməsi gələcək illərdə iki ölkə arasında münasibətlərin inkişafı üçün mühüm istiqamətverici sənəd olacaq. Prezident İlham Əliyevin rəhbərliyi ilə həyata keçirilən müstəqil, praqmatik və milli maraqlara əsaslanan siyasət Azərbaycanın beynəlxalq əməkdaşlıq imkanlarını daha da genişləndirəcək, ölkəmizin siyasi və iqtisadi nüfuzunun möhkəmlənməsinə yeni töhfələr verəcək.
Sevinc Bayramova,
YAP Nizami rayon təşkilatının “C.Naxçıvanski küçəsi, 160” ərazi partiya təşkilatının sədri


