Şuşa – Azərbaycan xalqının mədəni irsə sədaqətinin nümunəsi
Mədəni irs xalqın keçmişini, dünyagörüşünü və mənəvi dəyərlərini özündə birləşdirən əvəzsiz sərvətdir. Şuşa bu sərvətin ən zəngin nümunələrini qoruyub saxlayan şəhərlərimizdəndir. Onun musiqi, ədəbiyyat, memarlıq və sənətkarlıq ənənələri Azərbaycan mədəniyyətinin formalaşmasında mühüm rol oynayıb.
İşğal illərində Şuşanın mədəni irsinə vurulan zərər xalqımızın tarixi yaddaşına qarşı yönəlmiş ciddi təhlükə idi. Tarixi abidələrin dağıdılması, muzeylərin fəaliyyətinin dayandırılması və mədəniyyət ocaqlarının yararsız vəziyyətə salınması şəhərin zəngin keçmişinə zərbə vurdu. Buna baxmayaraq, Azərbaycan xalqı bu irsə sahib çıxmaq əzmini qorudu.
2020-ci il noyabrın 8-də Şuşanın azad edilməsindən sonra mədəni irsin bərpası dövlət siyasətinin mühüm istiqamətinə çevrildi. Prezident İlham Əliyevin rəhbərliyi ilə tarixi abidələrin yenidən qurulması, muzeylərin bərpası və mədəni tədbirlərin təşkili istiqamətində ardıcıl işlər görüldü. Heydər Əliyev Fondunun həyata keçirdiyi layihələr də bu sahəyə mühüm töhfə verir.
Şuşada keçirilən festivallar və poeziya günləri şəhərin mədəni irsinin yalnız qorunmadığını, eyni zamanda inkişaf etdirildiyini göstərir. Bu tədbirlər vasitəsilə gənc nəsil milli sənət ənənələri ilə tanış olur, xarici qonaqlar isə Azərbaycan mədəniyyətinin zənginliyini yaxından görürlər.
Şuşa xalqımızın mədəni irsə sədaqətinin və tarixi dəyərlərə bağlılığının parlaq nümunəsidir. Bu şəhərin hər bir abidəsi, hər bir sənət ənənəsi qorunmağa layiqdir. Şuşa Şəhəri Günü milli mədəniyyətimizə sahib çıxmağın və onu gələcək nəsillərə ötürməyin vacibliyini bir daha göstərir.
Samirə Vəliyeva,
YAP Nizami rayon təşkilatının “Heydər Əliyev prospekti, 100” ərazi partiya təşkilatının sədr müavini
