AnalitikaDünyaGündəmSiyasət

Suverenliyə hörmət Azərbaycan xarici siyasətinin dəyişməz prinsipidir

Beynəlxalq münasibətlər sisteminin əsas dayaqlarından biri dövlətlərin suverenliyinə, müstəqilliyinə və ərazi bütövlüyünə hörmət prinsipidir. Bu prinsiplər beynəlxalq hüququn fundamental normaları olmaqla yanaşı, dövlətlər arasında etimadın və sabitliyin təmin olunmasında mühüm rol oynayır. Azərbaycan öz xarici siyasətində bu müddəaların ardıcıl şəkildə müdafiəsinə xüsusi əhəmiyyət verir.

Prezident İlham Əliyevin rəhbərliyi ilə həyata keçirilən diplomatik siyasət ölkəmizin milli suverenliyinin qorunmasını və beynəlxalq səviyyədə tanınmış sərhədlərə hörmətin təmin edilməsini əsas prioritetlərdən biri kimi müəyyənləşdirir. Azərbaycanın beynəlxalq mövqeyi dövlətlərin daxili işlərinə qarışmamaq və qarşılıqlı hörmət prinsiplərinə əsaslanan əməkdaşlığın inkişafını nəzərdə tutur.

Böyük Britaniya ilə imzalanmış Birgə Bəyannamədə Birləşmiş Millətlər Təşkilatının Nizamnaməsinə, beynəlxalq hüququn prinsip və normalarına, dövlətlərin suverenliyinə, müstəqilliyinə və ərazi bütövlüyünə sadiqlik xüsusi vurğulanır. Bu müddəalar sənədin siyasi-hüquqi əsaslarını təşkil edən vacib elementlərdəndir.

Azərbaycanın ərazi bütövlüyü və suverenliyi ilə bağlı mövqeyi ölkənin beynəlxalq hüquqa əsaslanan xarici siyasətinin mühüm tərkib hissəsidir. Dövlətlərarası münasibətlərdə bu prinsiplərin qorunması yalnız ayrı-ayrı ölkələrin maraqları baxımından deyil, ümumi beynəlxalq nizamın sabitliyi üçün də vacibdir. Buna görə də qarşılıqlı hörmət prinsipi tərəfdaşlığın davamlılığına xidmət edir.

Böyük Britaniya ilə strateji tərəfdaşlıq sənədində beynəlxalq hüququn əsas prinsiplərinin təsbit olunması Azərbaycanın diplomatik yanaşması ilə uzlaşır. Prezident İlham Əliyevin rəhbərliyi ilə aparılan xarici siyasət ölkəmizin suverenliyini qorumaqla yanaşı, beynəlxalq əməkdaşlığın genişləndirilməsini hədəfləyir. Bu prinsipial xətt Azərbaycanın beynəlxalq münasibətlərdə müstəqil mövqeyini gücləndirən mühüm amildir.

Elnarə Məmtiyeva,
YAP Nizami rayon təşkilatının “Naxçıvanski küçəsi, 37” ərazi partiya təşkilatının sədr müavini

Oxşar Xəbərlər

Back to top button