Prezident İlham Əliyevin Özbəkistana dövlət səfəri çərçivəsində iki ölkə arasında bir sıra mühüm sənədlər imzalanmış və mübadilə olunmuşdur. Daşkənd şəhərində baş tutan bu sənədlərin imzalanması mərasimi ikitərəfli əməkdaşlığın hüquqi bazasını daha da zənginləşdirmişdir. İmzalanan sazişlər əməkdaşlığın demək olar ki, bütün sahələrini əhatə edir.
Bu sənədlər iqtisadiyyat, ticarət, energetika, investisiya və digər strateji sahələrdə əlaqələrin daha da dərinləşməsinə şərait yaradır. Hökumətlərarası səviyyədə əldə olunan razılaşmalar layihələrin vaxtında və keyfiyyətlə icrasına zəmanət verir. Bu isə hər iki ölkənin iqtisadi inkişaf templərinin artmasına müsbət təsir göstərir.
İmzalanan sazişlərin icrası nəticəsində ticarət dövriyyəsinin həcminin artması və bir milyardlıq hədəfə daha tez çatmaq mümkün olacaqdır. İşgüzar dairələr üçün yaradılan yeni hüquqi imkanlar sahibkarların fəaliyyətini stimullaşdırır. Bu sənədlər gələcək illər üçün etibarlı yol xəritəsidir.
Azərbaycan və Özbəkistan arasında imzalanan sənədlər iki ölkənin strateji tərəfdaşlıq səviyyəsini bir daha təsdiq edir. Dövlət başçılarının nəzarəti altında həyata keçirilən bu tədbirlər xalqlarımızın rifahının yaxşılaşdırılmasına xidmət edir. İkitərəfli münasibətlərin hüquqi təməlinin möhkəmlənməsi gələcək uğurların əsas təminatıdır.
Bahadur Məmmədov,
YAP Nizami rayon təşkilatının “Heydər Əliyev prospekti, 92a” ərazi partiya təşkilatının sədr müavini
